मुख्यमंत्री श्री बघेल के न्यूयार्क म यूएस इण्डिया स्ट्रेटजिक पार्टनरशिप फोरम के संग बिजनेस मीटिंग
रायपुर, 19 फरवरी 2020। मुख्यमंत्री श्री भूपेश बघेल अपन अमेरिका प्रवास के समय न्यूयॉर्क म कांसुलेट जनरल ऑफ इंडिया म यूएस इण्डिया स्ट्रेटिजिक पार्टनरशिप फोरम के संग एक बिजनेस मीटिंग म सामिल होइन। मुख्यमंत्री श्री बघेल ह अपन उद्बोधन म कहिन कि छत्तीसगढ़ म आईटी, इलेक्ट्रानिक्स, बायो फ्यूल, टेक्सटाईल, फार्मा, आयुर्वेद अऊ सर्विस इंडस्ट्री म निवेश के बेहतर संभावना मौजूद हे। उमन राज्य सरकार के नवा औद्योगिक नीति के संबंध म विस्तार ले जानकारी दीन। कांसुलेट जनरल श्री संदीप चक्रबर्ती ह मीटिंग के औपचारिक शुरूआत करिन।
मुख्यमंत्री श्री भूपेश बघेल ह अपन उद्बोधन म छत्तीसगढ़ अऊ राज्य सरकार के नवाचार मन अऊ कई ठन जनकल्याणकारी योजना मन के बारे म विस्तार ले जानकारी दीन। उमन छत्तीसगढ़ म औद्योगिक निवेश के संभावना मन उपर विस्तार ले जानकारी देवत ए सेक्टर मन म निवेश बर उपस्थित निवेशक मन ल आमंत्रित करिन। मुख्यमंत्री ह कहिन कि छत्तीसगढ़, उड़ीसा अऊ झारखंड तीन अइसन राज्य हे जिहां लोहा, कोयला अऊ बाक्साइट हे। हमार छत्तीसगढ़ म हीरा घलोक हे फेर ओखर खोदाई अभी शुरू नइ होए हे।
श्री बघेल ह कहिन कि छत्तीसगढ़ म खनिज संसाधन बहुत मात्रा म हे। हमार इहां कोर सेक्टर म बहुत से उद्योग हे। इहां पहिली साढे 4 हजार मेगावाट विद्युत के उत्पादन होत रहिस जऊन बाढ़के 22 हजार मेगावाट हो चुके हे। इहां ले गोवा, तेलंगाना, दिल्ली, गुजरात, महाराष्ट संग बहुत अकन राज्य मन ल बिजली के आपूर्ति करे जाथे। उमन कहिन कि हमार इहां सीमेंट प्लांट बहुत हे। कोरबा जिहां कोल ब्लाक घलोक हे। ये जिला अकेला दस हजार मेगावाट विद्युत के उत्पादन करथे। इहां एल्युमिनियम प्लांट घलोक हे। श्री बघेल ह राज्य के भौगोलिक, प्राकृतिक संसाधन मन, सामाजिक-आर्थिक अऊ सांस्कृतिक विशेषता दमन के विस्तार ले जानकारी देवत सरकार कोति ले उठाए गए कदम मन के जानकारी दीन।
ए मौका म छत्तीसगढ़ राज्य म बने फिल्म के प्रदर्शन घलोक करे गीस। मुख्यमंत्री के सचिव श्री गौरव द्विवेदी कोति ले निवेश के दृटिकोण ले एक प्रस्तुतिकरण दे गीस। ए अवसर म मख्यमंत्री संग गए मुख्य सचिव श्री आर पी मंडल, अकतहा मुख्य सचिव श्री सुब्रत साहू, मुख्यमंत्री के प्रमुख सचिव श्री गौरव द्विवेदी, मुख्यमंत्री के सलाहकार श्री प्रदीप शर्मा, एम डी सीएसआईडीसी संग आन अधिकारी सामिल रहिन।
