सुरेखा अऊ गीता बाई ह राशनकार्ड बनवाए मुख्यमंत्री श्री साय ले करे रहिन निवेदन
जशपुर, 05 सितंबर 2024। मुख्यमंत्री श्री विष्णु देव साय के कैंप कार्यालय म मनखे मन के समस्या मन के समाधान तुरते होवत हे। हाले म कैंप कार्यालय के पहल म ग्राम चराईडांड के सुरेखा बाई अऊ गीता बाई के अलग-अलग नवीनीकृत प्राथमिकता राशनकार्ड बनाय गए हे।
जशपुर जिला के विकासखंड दुलदुला, ग्राम चराईडांड निवासी सुरेखा बाई अऊ गीता बाई के पहिली संघरा राशनकार्ड बने रहिस। दुनो परिवार ह अलग-अलग राशनकार्ड बनवाए बर मुख्यमंत्री कार्यालय कैंप म 03 सितंबर के आवेदन देहे रहिन। कैंप कार्यालय ह जल्दी पहल करत संबंधित अधिकारी ल निर्देशित करिस। निर्देश म दुनों परिवार ल अलग-अलग नवीनीकृत प्राथमिकता राशनकार्ड बनाय गए हे।
राशनकार्ड बने म उमन मुख्यमंत्री श्री साय ल धन्यवाद देवत कहिन हे के उंखर संवेदनशील पहल के सेती उंखर राशन कार्ड बन पाए हे।