मुख्यमंत्री कैंप कार्यालय के पहल म जोकारी गांव म लगाए गीस नवा ट्रांसफारमर

फेर बहाल होइस विद्युत आपूर्ति, गांव वाले मन ह जताइन मुख्यमंत्री के प्रति आभार
रायपुर, मुख्यमंत्री कैंप कार्यालय की  पहल म ग्राम जोकारी म विद्युत आपूर्ति फेर शुरू हो गए हे। ट्रांसफार्मर खराब होए के सेती बिजली संकट ले जूझत गांव वाले मन ल अब बड़ राहत मिले हे। विद्युत आपूर्ति बहाल होए म ग्रामवासी मन ह मुख्यमंत्री श्री विष्णुदेव साय के प्रति आभार व्यक्त करे हें।
जानबा हे के कुनकुरी तहसील के ग्राम जोकारी के वार्ड नंबर 8 म ट्रांसफार्मर खराब होए के सेती गांव वाले मन ल बिजली संकट के सामना करना परत रहिस। ए समस्या ले परेशान गांव वाले मन ह मुख्यमंत्री कैंप कार्यालय म आवेदन प्रस्तुत करके तुरंते समाधान के मांग करे रहिन। कैंप कार्यालय ह मामला ल गंभीरता ले लेत जल्दी कार्रवाई सुनिश्चित करिस, जेखर तहत विद्युत विभाग कोति ले ग्राम म नवा ट्रांसफार्मर स्थापित कर दे गीस। एखर से बिजली आपूर्ति सुचारू रूप ले बहाल हो गए हे।
मुख्यमंत्री श्री विष्णुदेव साय कोति ले बगिया म स्थापित मुख्यमंत्री कैंप कार्यालय म जनसमस्या मन के तत्परता के संग समाधान करे जात हे। विशेषकर बिजली, पानी अऊ स्वास्थ्य जइसे बुनियादी जरूरत मन ले संबंधित समस्या मन उपर प्राथमिकता से कार्रवाई करे जात हे।