रायपुर, 02 सितमबर 2024। मुख्यमंत्री श्री विष्णुदेव साय के हुकुम के मुताबिक जशपुर जिला म जिला प्रशासन अउ स्वास्थ्य विभाग के संघरा उदीम ले जिला म स्वास्थ्य मितान हेल्पलाइन नंबर +91-9343992744 के संचालन करे जात हे। स्वास्थ्य मितान हेल्पलाइन मरीज के स्वास्थ्य संबंधित परेशानी के समाधान बर उपलब्ध हे। विकासखंड, प्राथमिक स्वास्थ्य केंद्र, जिला चिकित्सालय ले संबंधित मरीज मन ल तुरंत स्वास्थ्य संबंधी लाभ उपलब्ध कराए जाना स्वास्थ्य मितान हेल्पलाइन के उद्देश्य हे। ए योजना के अंतर्गत जशपुर जिला के अंतर्गत ही न हीं भलुक मरीज-हितग्राही मन ल जिला के बाहिर रायपुर आन नजदीकी जिला अंबिकापुर, रायगढ़ अउ आन राज्य जइसे रांची म घलोक चिकित्सा सुविधा उपलब्ध कराए बर स्वास्थ्य मितान हेल्पलाइन कोति ले काम करे जात हे। जेखर अंतर्गत फरवरी 2024 ले अगस्त महिना तक 1 हजार 23 मरीज ल स्वास्थ्य लाभ प्रदान करे गए हे।
मुख्यमंत्री कैंप कार्यालय बगिया ले मरीज मन ल तुरंते मिलत हे सहायता
