घूमरा पकरीटोली, तिलंगा के सलिहाटोला अऊ बरहागुडा म लगाए गीस नवा विद्युत ट्रांसफार्मर
बिजली आपूर्ति फेर बहाल होए म गांव वाले मन ल मिलीस राहत
ग्रामवासी मन मुख्यमंत्री श्री साय के जताइन आभार
जशपुर, 12 सितंबर 2024। बगिया स्थित मुख्यमंत्री कैंप कार्यालय ले सरलग मनखे मन के समस्या मन सुलझत हे। जशपुर जिला के पांच गांव के रहवइया मन ह विद्युत आपूर्ति बहाल करे बर आवेदन दीन। ए आवेदन म तुरंते कार्यवाही करे के निर्देश कैंप कार्यालय ल जारी करे गीस। ए गांव मन म तुरंत ट्रांसफार्मर लगाय, ग्रिप चेंज, लाईन सुधारे के काम करे जात हे, एखर से गांव वाले मन ल बड़ राहत मिले हे।
घूमरा पकरीटोली, तिलंगा के सलिहाटोला अऊ बरहागुडा गांव हाथी विचरण क्षेत्र होए के सेती ले इहां के ग्रामीण कैंप कार्यालय म आयोजित जनदर्शन कार्यक्रम म बिजली व्यवस्था बहाल करे बर पहुंचे रहिन। कैंप के अधिकारी मन ए म तुरंत पहल करत संबंधित अधिकारी मन ल हुकुम देहे गीस। ए गांव मन म ट्रांसफार्मर खराब होए के सेती विद्युत के आपूर्ति बाधित हो गए रहिस। ऊर्जा विभाग के अधिकारी मन ह ए गांव म विद्युत व्यवस्था बहाल करे बर ट्रांसफार्मर लगाय, ग्रिप चेंज, लाईन सुधारे के काम करिन। अब ए गांव म विद्युत आपूर्ति शुरू हो गए हे। गांव वाले मन ह एखर बर मुख्यमंत्री श्री विष्णु देव साय के जल्दी पहल बर आभार व्यक्त करे हें।