रायपुर, 09 अगस्त 2020। मुख्यमंत्री श्री भूपेश बघेल ह आज अपन निवास कार्यालय म विश्व आदिवासी दिवस म वीडियो कॉन्फ्रेंसिंग के संग आयोजित कार्यक्रम म बस्तर प्राधिकरण अंतर्गत प्रयास विद्यालय अऊ एकलव्य आदर्श विद्यालय के 140 प्रतिभावान् पढ़ईया लईका मन ल 5100-5100 रूपिया के राशि के चेक अऊ प्रशस्ति पत्र देके ओ मन ल सम्मानित करिन।
मुख्यमंत्री श्री भूपेश बघेल ह अपन निवास कार्यालय म आदिम जाति अऊ अनुसूचित जाति विभाग कोति ले संचालित प्रयास अऊ एकलव्य विद्यालय मन के प्रतिभावान पढ़ईया लईका मन ल प्रशस्ति पत्र अऊ स्मृति चिन्ह देकर सम्मानित करिन। ए पढ़ईया लईका मन म कक्षा 12वीं के बालोद के श्री राकेश तारेन्द्र, बलरामपुर के श्री रविन्द्र पैकरा, कोरिया के कुमारी ज्योति रउतिया विद्यार्थी रहिन। संग ही कक्षा 10वीं के पढ़ईया लईका मन म बस्तर के श्री हेमन्त मौर्य, सूरजपुर के श्री रमेश कुमार सिदार, सरगुजा के कुमारी मेरिना स्मृति मिंज, बस्तर के कुमारी दीपाली बनछोर अऊ कोरबा के कुमार लालिमा ल सम्मानित करे गीस।
कार्यक्रम म आदिम जाति अऊ अनुसूचित जाति विकास मंत्री डॉ. प्रेमसाय सिंह टेकाम, खाद्य अउर नागरिक आपूर्ति मंत्री श्री अमरजीत भगत, उद्योग मंत्री श्री कवासी लखमा, कृषि मंत्री श्री रविन्द्र चौबे, गृह मंत्री श्री ताम्रध्वज साहू, वन मंत्री श्री मोहम्मद अकबर, महिला अउर बाल विकास मंत्री श्रीमती अनिला भेंड़िया, राजस्व मंत्री श्री जयसिंह अग्रवाल अऊ नगरीय विकास मंत्री डॉ. शिव कुमार डहरिया, संसदीय सचिव सुश्री शकुंतला साहू, श्री चिंतामणि महाराज अऊ जशपुर विधायक विनय भगत, राज्य खनिज विकास निगम के अध्यक्ष श्री गिरीश देवांगन बहुत अकन जनप्रतिनिधि, मुख्य सचिव श्री आर.पी. मण्डल संग बहुत अकन प्रशासनिक अधिकारी उपस्थित रहिन।