रायपुर : मुख्यमंत्री कन्या विवाह योजना ले बेटी मन के शादी के चिंता होइस दूर Chief Minister’s Kanya Vivaah Scheme

रायपुर, 08 जुलाई 2024। मुख्यमंत्री कन्या विवाह योजना Chief Minister’s Kanya Vivaah Scheme कमजोर, आर्थिक परिस्थिति वाले वाले घर के बेटी मन के हाथ पीला करके माता पिता के आर्थिक बोझ ल कम करत हे। जेकर घर म बेटी होथे। वोखर माता-पिता ल बेटी के शादी उम्‍मर होतेच चिंता सताए लगथे। हर मां-बाप के सपना होथे के वोखर बेटी के शादी धूमधाम ले होवय फेर आर्थिक तंगी के सेती सपना अधूरा रहि जाथे। अइसन म मुख्यमंत्री कन्या विवाह योजना ले हजारों परिवार के माता-पिता के आर्थिक बोझ ल कम करके उंखर चिंता दूर करे जात हे। योजना के मुख्य उद्देश्य गरीब परिवार के होवइया आर्थिक परेशानी ल दूर करना, शादी के मौका म फिजुलखर्ची ल रोकना, सामूहिक विवाह के आयोजन ले सामाजिक स्थिति म सुधार लाना हे। योजना के तहत राज्य सरकार कोति ले आर्थिक सहायता के रूप म 50 हजार रुपिया के अनुदान सहायता राशि प्रदान करे जाथे। एखर अंतर्गत हर एक कन्या ल 21 हजार रुपिया के राशि बैंक खाता या बैंक ड्राफ्ट के रूप म प्रदान करे जाथे। एखर अलावा 15 हजार रुपिया के राशि के उपहार देहे जाथे।