मुख्यमंत्री नौनिहाल छात्रावृत्ति योजना ले पूरा होइस पिता के इच्छा
बिलासपुर, पेसा ले इलेक्ट्रिशियन दिनेश ह बताइस के ओ ह चाहत हे के वोखर लइका मन ल बने शिक्षा मिलय अऊ बड़े होके उमन शिक्षक या पुलिस अधिकारी बनय। वोखर ये इच्छा अब मुख्यमंत्री नौनिहाल छात्रावृत्ति योजना ले पूरा होवइया हे।
बारहवीं तक शिक्षा प्राप्त करे के बावजूद, दिनेश कुमार बर रोज़गार के बेहतर अवसर नइ मिलिस अऊ ओ हइलेक्ट्रिशियन के काम करे लग गे। एक दिन वो ह अपन लइका मन के शिक्षा बर आर्थिक सहायता के जानकारी लेहे बर मुख्यमंत्री श्रमिक हेल्पलाइन म संपर्क करिस। श्रम विभाग के अधिकारी मन ह दिनेश ल ‘मुख्यमंत्री नौनिहाल छात्रवृत्ति योजना’ के बारे म बताइस, एखर से दिनेश ल अइसे लगीस जइसे बंद किस्मत दरवाज़ा खुल गए हो।
अनुसूचित जाति समुदाय ले ताल्लुक रखइया दिनेश कुमार ह बताइस के ओ बिलासपुर जिला के सिंगरी गांव के रहइया ये। ओ ल बचपन म नइ तो सही मार्गदर्शन मिलीस अऊ न ही आगू बढ़े के अवसर फेर लइका मन के सुनहरा भविष्य ल लेके हमेशा चिंतित रहत रहिस। वो ह बताइस के हेल्पलाइन ले सबो प्रक्रिया समझे के बाद वो ह आवेदन करिस, एखर बाद ओ ल अपन 12 अऊ 14 साल के दग बेटि मन बर 3,000 रुपिया के वित्तीय सहायता मिलीस। ये सहायता वोखर तत्कालीन आर्थिक संकट ल कम करे म सहायक सिद्ध होइस।
दिनेश कुमार ह बताइस कि मुख्यमंत्री नौनिहाल छात्रावृत्ति योजना ले वोखर बेटि मन अब बिना कोनो फीस के चिंता करे पूरा अपन पढ़ाई उपर ध्यान केंद्रित करत हें।
