मुख्यमंत्री तीर्थ यात्रा योजना के तहत 100 तीर्थयात्री हरिद्वार–ऋषिकेश बर रवाना

मोहला-मानपुर-अंबागढ़ चौकी, मुख्यमंत्री तीर्थ यात्रा योजना के अंतर्गत मोहला-मानपुर-अंबागढ़ चौकी जिला के मोहला अऊ मानपुर विकासखण्ड के 100 श्रद्धालु तीर्थयात्री जिला ले पवित्र तीर्थ स्थल हरिद्वार अऊ ऋषिकेश के दर्शन बर रवाना होइन। जिला पंचायत अध्यक्ष श्रीमती नम्रता सिंह ह यात्री मन ल हल्दी-अक्षत के टीका लगाके विशेष बस ल हरी झंडी देखात यात्रा के शुभारंभ करिन।
ए बेरा म तीर्थयाद्धी मन म विशेष उत्साह अऊ उल्लास देखे ल मिलीस। कइ बछर ले तीर्थ दर्शन के अभिलाषा संजोए श्रद्धालु मन ह शासन के ए जनकल्याणकारी योजना के प्रति आभार व्यक्त करत कहिन के मुख्यमंत्री तीर्थ यात्रा योजना ऊंखर बर सपना के साकार होए जइसे हे। यात्री मन के चेहरा म खुशी, श्रद्धा अऊ संतोष स्पष्ट रूप ले झलकत रहिस।
कलेक्टर श्रीमती तुलिका प्रजापति के निर्देशन म आयोजित ए कार्यक्रम के अंतर्गत सबो तीर्थयात्री राजनांदगांव रेलवे स्टेशन ले विशेष ट्रेन ले हरिद्वार अऊ ऋषिकेश बर प्रस्थान करहीं। ये तीर्थ यात्रा 26 दिसम्बर ले 31 दिसम्बर 2025 तक निरधारित हे।
जानबा हे कि मोहला-मानपुर-अंबागढ़ चौकी जिला ले कुल 100 तीर्थयात्री ए यात्रा म सामिल हे। कार्यक्रम म ग्राम पंचायत मोहला के सरपंच श्री गजेंद्र पिरामे, अपर कलेक्टर श्री जी.आर. मरकाम, सहायक संचालक समाज कल्याण विभाग श्री अखिलेश तिवारी संग स्थानीय जनप्रतिनिधि, अधिकारी अऊ कर्मचारी उपस्थित रहिन। सबो मन ह तीर्थयात्री मन ल सुरक्षित अऊ सुखद यात्रा के शुभकामना दीन।