रायपुर, 02 जून 2021। मुख्यमंत्री श्री भूपेश बघेल ले आज संझा इहां ऊंखर निवास कार्यालय म छत्तीसगढ़ गृह निर्माण मंडल के अध्यक्ष श्री कुलदीप जुनेजा अऊ आयुक्त डॉ. अय्याज तम्बोली ह सौजन्य मुलाकात करके छत्तीसगढ़ गृह निर्माण मंडल के जम्मो अधिकारी-कर्मचारी मन कोति ले मुख्यमंत्री सहायता कोष बर 10 लाख रूपिया के चेक मुख्यमंत्री ल सौंपिन। उमन छत्तीसगढ़ राज्य म मुख्यमंत्री श्री भूपेश बघेल के नेतृत्व म कोरोना संक्रमण के रोकथाम अऊ पीड़ित मन के मदद बर करे गए प्रभावी उपाय के सराहना करिन। श्री जुनेजा ह कहिन के राज्य सरकार के ये उदीम म सहभागिता, जरूरतमंद मन के मदद अउर स्वास्थ्य सुविधा मन ल बेहतर बनाए के उद्देश्य ले गृह निर्माण मंडल के अधिकारी-कर्मचारी मन ह अपन वेतन ले 10 लाख रूपिया के अंशदान मुख्यमंत्री सहायता कोष बर करे हें। मुख्यमंत्री श्री भूपेश बघेल ह छत्तीसगढ़ गृह निर्माण मंडल के अधिकारी-कर्मचारी मन ल ये सहयोग बर धन्यवाद देवत एला अनुकरणीय बताइन।
मुख्यमंत्री सहायता कोष म छत्तीसगढ़ गृह निर्माण मंडल कोति ले 10 लाख रूपिया के अंशदान
