कोरोना वायरस ले निपटे बर होए तियारी अऊ मुख्यमंत्री के प्राथमिकता वाले योजना मन के विस्तृत समीक्षा
रायपुर, 07 मार्च 2020। मुख्य सचिव श्री आर.पी.मण्डल ह आज इहां मंत्रालय महानदी भवन ले राज्य के सबो जिला मन के कलेक्टर मन ले वीडियों कॉन्फ्रेंसिंग के संग जिला मन म कोरोना वायरस ले बचाव बर होए व्यवस्था अउ तियारी मन के समीक्षा करिन। उमन नगरीय क्षेत्र मन म मोहल्ला क्लीनिक, जिला मन म शिक्षा गुणवत्ता संग अंगरेजी माध्यम ले शिक्षा देहे बर स्कूल मन के चयन, नगर निगम क्षेत्र मन म मॉडल स्कूल मन बर स्कूल मन के चिन्हांकन, सुपोषण अभियान के क्रियान्वयन, बस्तर म मलेरिया के ईलाज अउ नियंत्रण, राजस्व प्रकरण मन के निराकरण अउ राजस्व वसूली, गढ़कलेवा के स्थापना, राम वन गमन रस्ता, नरवा, गरवा, घुरवा अऊ बाड़ी संग राष्ट्रीय हरित अधिकरण कोति ले पारित आदेश मन के क्रियान्वयन के जिलेवार समीक्षा करिन।
