कोकोनट बोर्ड म रोपे नारियल के पौधा जादा ले जादा कृषक मन ल नारियल कृषि के फायदे बतात, ओ मन ल जोड़े के प्रयास होवय – श्री आरपी मण्डल
कोण्डागांव, 06 जून 2020। प्रदेस के मुख्य सचिव श्री आर.पी. मण्डल आज मुख्यालय स्थित नारियल विकास बोर्ड पहुंचिन अऊ करीबन सौ एकड़ म फैले नारियल फार्म के निरीक्षण करिन। ये मौका म कलेक्टर पुष्पेंद्र कुमार मीणा, पुलिस अधीक्षक बालाजी राव सोमवार, सीईओ जिला पंचायत डी एन कस्यप, एसडीएम पवन कुमार प्रेमी संग राज्य शासन के आन वरिष्ठ अधिकारी घलोक उपस्थित रहिन। मौका म उमन कहिन के जिला म स्थित नारियल विकास बोर्ड के ये नारियल फार्म ले स्थानीय किसान मन ल नारियल के रुप म एक फलदार कृषि के विकल्प मिले हे, काबर कि जिला के आबोहवा नारियल कृषि के अनुकूल हे जेखर सेती जादा ले जादा किसान मन ल नारियल उगाए बर प्रेरित करे जाना चाही। ये ऊंखर आर्थिक विकास बर सहायक सिद्ध होही।
