मुख्य सचिव ह मंत्रालय महानदी भवन म ‘नवा अंजोर विजन@ 2047’ मॉनिटरिंग पोर्टल के समीक्षा करिन

रायपुर, मुख्य सचिव श्री विकासशील ह आज मंत्रालय महानदी भवन म आयोजित बइठक म छत्तीसगढ़ ‘नवा अंजोर विजन@ 2047’ मॉनिटरिंग पोर्टल के विस्तार ले समीक्षा करिन। ए बइठक म राज्य सासन के अलग-अलग विभाग के सचिव मन मौजूद रहिन।
मुख्य सचिव ह नवा अंजोर विजन@ 2047 के तहत तय करे गे इंडिकेटर्स (संकेतक) के राज्य स्तरीय समीक्षा करत जम्मो विभागीय सचिव मन ला निर्देश दीन के ओमन अपन-अपन विभाग ले जुड़े योजना अउ कार्यक्रम मन के आगू बढ़े के हाल, तय लक्ष्य मन के समय म पूरा होय के जानकारी अउ नवा आंकड़ा मन ला मॉनिटरिंग पोर्टल म बखत-बखत म दर्ज करना पक्का करंय।
ओमन कहिन के पोर्टल के माध्यम ले योजना मन के प्रगति के बढ़िया निगरानी अउ मूल्यांकन करे जा सकथे, जेकर ले राज्य के विकास के लक्ष्य मन ला पाय म तेजी आही।
मुख्य सचिव ह जम्मो विभागीय सचिव मन ला अपन विभागीय डैशबोर्ड म ऑनलाइन प्रगति के रोज समीक्षा करे अउ तय इंडिकेटर्स के मुताबिक काम म तेजी लाय के निर्देश घलो दीन।
बइठक म विजन 2047 के लक्ष्य मन ला समय म पूरा करे बर मिल-जुल के अउ परिणाम देय वाला काम करे ऊपर खास जोर देहे गीस।