महासमुन्द म मुख्य सचिव श्री आर.पी. मंडल ह जिला के महिला स्व-सहायता समूह मन के उत्पाद मन ल सहराईन

महासमुन्द, 14मार्च 2020। प्रदेश के मुख्य सचिव श्री आर.पी. मंडल आज महासमुन्द जिला के पुरातात्विक पर्यटन अउ ऐतिहासिक महत्व के स्थल सिरपुर पहॅुचिन अऊ सिरपुर म पर्यटन ल विशेष रूप ले बढ़ावा देहे अऊ जादा विकसित करे के उद्देश्य ले पर्यटन, वन संग जिला प्रशासन के अधिकारी मन ले विचार-विमर्श करके जरूरी सलाह अउ हुकुम दीन। ये बेरा म कलेक्टर श्री सुनील कुमार जैन ह जिला के महिला स्व-सहायता समूह मन कोति ले बने दैनिक उपयोग म अवइया सामान के बारे म मुख्य सचिव ल विस्तार ले जानकारी दीन। उमन बताइन के जिला के महिला स्व-सहायता ह फिनायल, हैण्डवाश, कई प्रकार के साबुन, मिक्चर, आचार संग आन प्रकार के सामान तियार करत हे। अऊ एकर ब्राण्ड नेम ‘‘हमर विरासत सिरपुर’’ दे गए हे। मुख्य सचिव श्री आर.पी. मंडल ह जिला के महिला स्व-सहायता समूह मन के उत्पाद मन के बारे म जान के उंकर काम मन ल सहराईन।