उच्च स्तरीय बैठक म सचिव मन ले विभागीय काम मन के करे गीस समीक्षा
रायपुर, मुख्य सचिव श्री विकास शील ह कहिन के कलेक्टर कॉन्फ्रेंस म मुख्यमंत्री श्री विष्णु देव साय कोति ले देहे गए हुकुम मनम जल्दी अऊ प्रभावी अमल ठउका करे जाए। उमन सबो विभागीय सचिव मन ल सड़क, पेयजल, बिजली, स्वास्थ्य संग आन प्राथमिक क्षेत्र मन खातिर ठोस एक्शन प्लान तैयार करे के निर्देश दीन। मुख्य सचिव आज मंत्रालय (महानदी भवन) म आयोजित उच्च स्तरीय बैठक म कई ठन विभाग के भारसाधक सचिव मन के संग योजना मन के क्रियान्वयन के प्रगति के समीक्षा करत रहिन।
बैठक के समय मुख्य सचिव ह प्रधानमंत्री गति शक्ति योजना म सामिल विभाग मन के एक्शन प्लान्स के विस्तृत जानकारी लीन। उमन निर्देश दीन के जेन काम मन के शिलान्यास हो गए हे, ओ मन ल निरधारित समय-सीमा के भीतर पूरा करके लोकार्पण ठउका करे जाए।
बैठक म वाणिज्य अऊ उद्योग विभाग के सचिव श्री रजत कुमार ह प्रधानमंत्री गति शक्ति योजना अऊ जेम पोर्टल के माध्यम ले शासकीय विभाग मन म करे जात खरीदी के प्रक्रिया उपर प्रस्तुतीकरण देहे गीस। अइसनहे, मुख्यमंत्री के संघरा सचिव अऊ आयुक्त जनसम्पर्क डॉ. रवि मित्तल ह जनसम्पर्क विभाग कोति ले शासन के योजना मन के प्रचार-प्रसार ले संबंधित गतिविधि मन उपरम विस्तृत प्रस्तुतीकरण देहे गीस।
बैठक म अपर मुख्य सचिव गृह अऊ जेल श्री मनोज कुमार पिंगुआ, वन अऊ जलवायु बदलाव विभाग के अपर मुख्य सचिव श्रीमती ऋचा शर्मा, आदिम जाति अऊ अनुसूचित जनजाति विकास विभाग के प्रमुख सचिव श्री सोनमणि बोरा, पंचायत अऊ ग्रामीण विकास विभाग के प्रमुख सचिव श्रीमती निहारिका बारिक संग सबो विभाग मन के सचिव उपस्थित रहिन।
