सूरजपुर म दू दिन म रोके गीस पांच बाल विवाह

सूरजपुर, कलेक्टर डॉ. गौरव कुमार सिंह के हुकुम म जिला कार्यक्रम अधिकारी श्री चन्द्रबेस सिंह सिसोदिया के मार्गदर्शन म जिला म बाल विवाह सरलग रोके जात हे। दू दिन म जिला बाल संरक्षण अधिकारी श्री मनोज जायसवाल के सियानी म संघरा टीम ह 05 बाल विवाह रोके हे। गांव वाले मन ह सरलग जिला बाल संरक्षण अधिकारी ल बाल विवाह के सूचना देवत हें। उमर के खना-तलासी के पाछू जिला स्तरीय टीम बाल विवाह रुकवात हे। ग्राम बंजा ले खबर मिलीस कि गांव वाले मन एक बालिका के उमर के सत्यापन कराइन त पता चलिस कि बालिका के उमर 14 साल 06 महिना हे। टीम ल जिला बाल संरक्षण अधिकारी ह मौका म भेजिस जिहां बालिका संग परिजन मन ल समझा के कागद तियार करके विवाह रुकवा दे गीस।
ए मौका म बाल विवाह रोकइया साहेब मन म जिला बाल संरक्षण अधिकारी मनोज जायसवाल, महिला बाल विकास विभाग पर्यवेक्षक माया चन्द्रकला जायसवाल, चाईल्ड लाईन ले कार्तिक मजूमदार, जर्नादन यादव, दिनेश यादव, राधा यादव, अनवरी खातुन, अन्नपूर्णा पाटिल, रमेश साहू, शोभनाथ राजवाड़े, पुलिस विभाग ले उदय सिंह, भीसराम भगत, मानिक दास, एसआई सुरेश साहू, अनिल किंग, अरुण सिंह, मान साय, अनुप यादव, दीपक यादव, उपस्थित रहिन।