सुकमा म लॉकडाउन म घलोक लइका मन के होवत हे ऑनलाइन पढ़ई: ’पढ़ई तुहंर दुआर’

सुकमा, 24 अप्रैल 2020। मुख्यमंत्री श्री भूपेश बघेल के पहल म राज्य सरकार कोति ले कोरोना वायरस के संक्रमण ले बचाव बर लॉकडाउन के बेरा म वेबसाइट तियार कराके लइका मन के घरे म लॉनलाईन पढ़ई होवत हे। स्कूल शिक्षा विभाग कोति ले संचालित ’पढई तुंहर दुआर’ ऑनलाईन क्लासेस के क्रियान्वयन सुकमा कलेक्टर के मार्गदर्शन म जिला के प्राथमिक ले हायर सेकेण्डरी स्कूल तक के पढ़ईया लईका मन ल जोडे के काम प्राथमिकता ले करे जात हे। अब तक सुकमा जिला के 2154 शिक्षक अऊ 9921 पढ़ईया लईका मन के ऑनलाईन पोर्टल म पंजीयन कराए के काम पूरा हो गए हे। राज्य शासन के हुकुम के मुताबिक ’पढ़ई तुंहर दुआर’ कार्यक्रम के लाभ लइका मन ल देवाए बर जिला के संगें-संग विकासखण्ड स्तर म 3 विकासखण्ड स्तरीय एडमिन अऊ जिला के 61 संकुल समन्वयक मन ल संकुल स्तरीय एडमिन अऊ नोडल बनाय गए हे संगेच श्री रजनीश सिंह ल जिला नोडल अधिकारी नियुक्त करे गए हे।