उत्तर बस्तर कांकेर : चिल्हाटी गौठान म उत्तरप्रदेश ले आए उप संचालक कृषि ह करिस गोधन अउ मिलेट मिशन योजना के सराहना

उत्तर बस्तर कांकेर, कलेक्टर डॉ. प्रियंका शुक्ला के मार्गदर्शन म जिला के किसान मन ल लघु धान्य फसल कोदो, कुटकी, रागी के खेती ब बढ़ावा दिए जाथ हे। उत्तरप्रदेश के जिला जानपुर से पहुंचे उप संचालक कृषि जयप्रकाश सिंह ह कांकेर जिला म संचालित गोधन न्याय योजना अउ मिलेट मिशन योजना के जायजा लिस। ओ ह निरीक्षण के बेर छत्तीसगढ़ सरकार के गोधन न्याय योजना अउ मिलेट मिशन योजना के सराहना करिस। जिला के भानुप्रतापपुर विकासखंड के मॉडल गौठान चिल्हाटी के भ्रमण के बर गौठान के नोडल अधिकारी टीएस ध्रुव ह उत्तरप्रदेश के उप संचालक जयप्रकाश सिंह ल गौठान म संचालित विभिन्न मल्टीएक्टिविटी गतिविधि के जानकरी दीस। ए दौरान उप संचालक सिंह ह कहिस कि गोधन न्याय योजना के माध्यम ले ग्रामीण म्न के भागीदारी पशुधन अउ गौठान म विभिन्न आजीविका मूलक गतिविधि जईसे जैविक वर्मी खाद उत्पादन, मुर्गी पालन, बतख पालन, सुकर पालन, मछली पालन, सब्जी उत्पादन समेत विभिन्न प्रकार के आजीविका ल बेहतर बनाए के काम करे जाथ हे। छत्तीसगढ़ सरकार के ए योजना देश म अलग पहचान बना चुके हे।
उप संचालक कृषि जयप्रकाश सिंह ह कहिस कि धान के बदला अन्य लाभकारी फसल के रूप म कांकेर जिला के किसान मन कती ले लघु धान्य फसल जईसे कोदो-कुटकी-रागी के खेती तको सरहना लईक हे। ईहां मिलेट मिशन के प्रोसेसिंग यूनिट के स्थापना करे गय हे, जेकर से कांकेर जिला के किसान समेत प्रदेश के किसान मन ल घलो एकर लाभ मिलजी, यह बात जिला के भानुप्रतापपुर विकासखंड के ग्राम चिल्हाटी म आदर्श गौठान अउ महिला स्व-सहायता समूह कती ले संचालित आय मूलक गतिविधि के मुआयना के बेर कहीस। निरीक्षण के बेर उप संचालक कृषि एनके नागेश, सहायक संचालक कृषि जितेंद्र कोमरा, वरिष्ठ कृषि विकास अधिकारी संजय मंडावी, पशु चिकित्सा अधिकारी टीकम ठाकुर, ग्राम सरपंच प्रतिभा सलाम, गौठान समिति अध्यक्ष महेश सलाम, समेत महिला समूह के सदस्य उपस्थित रहिस हे।