चिल्फी गांव के बिसेस पिछडे़ जनजाति बैगा लईका मन में शिक्षा के प्रति आईस सकारात्मक बदलाव

शासकीय अंग्रेजी माध्यम स्कूल में बैगा लईका मन बोेले लगे हे फर्राटेदार अंग्रेजी
कबीरधाम जिला के 5463 लईका मन ल मिलत हे उत्कृष्ट शिक्षा
रायपुर, 31 अगस्त 2023

छत्तीसगढ़ शासन के अंग्रेजी माध्यम स्कूल ले वनांचल के बिसेस पछवाए जनजाति बैगा अउ आदिवासी समाज के लईका मन ल घलो पढे ह बेहतर माहौल मिलत हे। आर्थिक रूप ले गरीब अउ कमजोर वर्ग के प्रतिभा-वान लईका मन लाभान्वित होवत हे। अबड़ कम समय में स्कूल ह अपन लोकप्रियता हासिल कर लिये हे। राज्य सरकार कती ले अंग्रेजी माध्यम के साथ-साथ हिन्दी माध्यम स्कूल में अत्याधुनिक सुविधा के संग लईका मन ल सुविधा दिए जाथ हे।   छत्तीसगढ़ के कवर्धा जिला के अंतिम छोर स्थित गांव चिल्फी में स्वामी आत्मानंद स्कूल में बिसेस पछवाए बैगा जनजाति के लईका मन घलो पढ़े जाथे। अउ अपन सपना साकार करत हे। जंगल अउ मैकल पर्वत के बीच में बसे चिल्फी में आसपास गांव के लगभग 5463 लईका मन अंग्रेजी माध्यम में शिक्षा लेवत हे। चिल्फी ल छोटा शिमला के नाम से घलो जाने जाथे। मैकल पर्वत श्रृखला के बीच बिसेस पछवाए जनजाति निवास करथे। स्कूल में 392 युवा मन ल रोजगार के अवसर मिले हे। कबीरधाम जिला में स्वामी आत्मानंद के 9 विद्यालय संचालित हे।
स्वामी आत्मानंद शासकीय उत्कृष्ट अंग्रेजी माध्यम विद्यालय आर्थिक रूप ले कमजोर परिवार के बोझ ल कम कर दिए हे। प्राइवेट स्कूल जइसे ही अब शासकीय स्कूल में अंग्रेजी माध्यम ले उत्कृष्ट शिक्षा दिए जाथ हे। शिक्षा के गुणवत्ता ल देखत हुए बडे़ संख्या में पालक अपन लईका मन ल स्कूल में प्रवेश देवाए ब आघू आवत हे।