जसपुर, 5 नवम्बर 2020। डैम म लापता होय छात्र चिराग के 48 घंटा बीते के बाद घलो कोई सुराग हाथ नई लगे हे। गोताखोर मन के मदद ले लगातार सर्चिंग जारी हे । पुलिस के टीम तहसीलदार समेत मउका म मौजूद हे। दु दिन बीते के बाद होनहार छात्र के पता नई लग पाय के कारण ले ग्रामीण मन म रोष हे। स्थानीय लोगन जल संसाधन विभाग के खिलाफ लामबंद होत हे। बतादन कि डैम म लापता होय छात्र चिराग ह राज्य म 10वीं के परीक्षा म मेरिट स्थान बनाय रिहिस। 10 वीं के मेरिट सूची म चिराग सातवा स्थान म रिहिस।
बतादन कि छात्र चिराग चौहान बुधवार के बिहनिया 10 बजे घर ले निकल के नहाय बर संगवारी मन के संग बेलसुंगा डैम गे रिहिस, डैम म कूदे के बाद बहुत समय तक पानी ले बाहर नई निकलीस। ओखर बाद डैम ले बाहर नई निकले म ओखर संगवारी लइका मन ह आसपास के लोगन मन ल जानकारी दीन त डैम के पास भीड़ जुट गे। ग्रामीण मन ह डैम म चिराग ल खोजे के बहुत कोशिश करिन, लेकिन जल भराव के कारण खोजे म असफल रिहिन। चिराग के डैम म डूबे के सूचना ले पूरा गांव म मातम के महौल हे चिराग के परिवार वाले मन सदमा म हे।
गुरतुर गोठ बर- भीषम वर्मा
