रायपुर : चिरायु योजना : अलीना के थकान भरे जिनगी बनिस खुसहाल

रायपुर, 02 जुलाई 2023, पउर साल के बात हे, अलीना नाम के एक झि नानकुन नोनी अपन जीवन म कई ठ समस्या के सामना करत रहिस हे। महासमुंद के ग्राम तेन्दुवाही के आंगनबाड़ी केन्द्र के लईका मन मे वो ह सबले कमजोर रहिस अउ कोनो भी काम चाहे खेल खेले म जलदी थक जात रहिस। ओकर सेहत घलो धीरे-धीरे खराब होवत रहिस हे, जेकर से परिवार म घलो तनाव बाढ़त रहिस। अभिभावक मन ह अलीना के कई जघा इलाज करवाइस, फेर ओकर स्वास्थ्य म सुधार नई आईस। एक दिन चिरायु टीम ग्राम तेन्दुवाही के आंगनबाड़ी केन्द्र के लईका मन के स्वास्थ्य परीक्षण करे ब पहुंचिस, एकर से नानकुन अलीना के जीवन हर ही बदल गइस। आज वो ह स्वस्थ हे अउ थकान भरे जीवन ले मुक्ति पा गए हे।
परीक्षण के बाद टीम ह संभावना व्यक्त करिस हे कि बालिका अलीना पटेल हृदय रोग ले पीड़ित हो सकत हे। बालिका अलीना के माता-पिता ले चर्चा म उमन ल पता चलिस कि, लईका ह जनम ले ही अत्यंत दुर्बल हे। वो ह खेले, रेंगे म थोकन बर म ही थक जात रहिस हे। खान-पान म घलो अरूचि रहय। अलीना के शारीरिक विकास घलो दूसर लईका मन के तुलना म अबड़ कम रहिस।
चिरायु टीम ह अलीना ल जिला अस्पताल महासमुन्द लेके आईस अउ नवा सिरा ले स्वास्थ्य के गहन जांच करे गई। जांच म पता चलिस कि वो ह हृदय रोग ले पीड़ित हे अउ उकर तुरंते सर्जरी करे जाना जरूरी हे, एकर से लईका के माता-पिता ह घबरा गइस। चिरायु टीम ह लईका अलीना के माता-पिता ल चिरायु योजना अउ निःशुल्क सर्जरी के बारे म विस्तार ले जानकारी दिस। लईका ल ऑपरेशन ब रायपुर के एक निजी अस्पताल म भर्ती कराय गयइस। विशेषज्ञ चिकित्सक मन ह अलीना के सफल सर्जरी करिस। अब ओकर सेहत बनेच सुधर गईस हे अउ अब वो ह लईका मन के संग खेल घलो सकत हे। ओकर परिवार म खुसी  वापिस आ गए हे अउ ओकर मुख म मुस्कान फेर से लहुट के आ गए हे।
चिरायु योजना ह अलीना ल नवा जीवन दिस हे। अलीना के माता पिता ह सहयोग अउ बेहतर इलाज ब राज्य सरकार अउ मुख्यमंत्री श्री भूपेश बघेल ल धन्यवाद देत हुए कहिस कि चिरायु योजना ले मोर बेटी ल नवा जिनगी मिलिस हे।
Success story
Neha Rathore