चिरायु योजना ले भावेश के  हृदय रोग के सफल होइस आपरेशन

कलेक्टर डॉ. फरिहा आलम सिद्दीकी के निरदेसन म चिरायु ले सफल आपेरसन के एक ठ अउ सफलता मिलिस हे। राष्ट्रीय बाल स्वास्थ्य कारिकरम चिरायु टीम सारंगढ़ के कोती ले इस्कूल स्वास्थ्य परीक्छन के क्रम म शासकीय प्राथमिक शाला कलमी, सारंगढ़ म पढ़ोइया लईका भावेश यादव के स्वास्थ्य परीक्छन करे म पता चलिस के ओला गंभीर हृदय रोग के समस्या हे।

सारंगढ़-बिलाईगढ़, नेहा राठौर के खबर/  सीक्छक मन ह जानकारी दीस कि भावेश के देहे(तबियत) ह बीच-बीच म बिगड़त रईथे। चिरायु टीम कोती ले ऊँचा ले ऊँचा जांच करे ब तुरूत (आई. डी. – 1030756133) रायपुर भेज दिए गईस। भावेश के परिवार वाले मन रायपुर के बड़े अस्पताल म के लाख रुपिया के इलाज नई करवाए सके। चिरायु टीम के डॉ. बबीता पटेल अउ उंखर उनके टीम कोती ले 23 फरवरी 2023 भावेश के शिक्षक अउ दादा जी करा गोठ कर के छत्तीसगढ़ म संचालित चिरायु योजना ले निःशुल्क इलाज़ के जानकारी दिए गईस। 23 मार्च 2023 के जम्मो जरूरी कागज पाता के संग भावेश ल रायपुर के एसएमसी अस्पताल म चिरायु टीम ह भरती कराइस। जम्मो जांच प्रक्रिया के होए के गए ले 1 अपरेल 2023 के भावेश के हृदय रोग के ऑपेरशन करे गईस। भावेश के ऑपरेशन म 1 लाख 72 हजार रुपिया के राशि के भुगतान सरकारी योजना आयुष्मान अउ चिरायु ले करे गईस।
चिरायु टीम म मुख्य चिकित्सा अउ स्वास्थ्य अधिकारी डॉ. एफ. आर. निराला, जिला कार्यक्रम प्रबंधक श्री एन. एल. इजारदार, चिरायु के जिला नोडल डॉ. प्रभुदयाल खरे,  डॉ. बद्री विशाल पंकज, डॉ. बबीता पटेल, डॉ. नम्रता मिंज, डॉ. प्रभा सारथी, फार्मासिस्ट हिंगलेश्वरी कुर्रे, योगेश्वर चन्द्रम, एएनएम श्रीमती मोंगरा कंवर, आरएचओ श्रीमती नीता तिवारी अउ प्रदीप राय के महत्वपूर्ण योगदान रहिस हे।
भावेश के पिता लक्ष्मण यादव ह बताइस के सारंगढ़ के चिरायु टीम ह इस्कूल म आके जांच करिस अउ बताइस के बालक के दिल में छेद हे। ऑपरेशन सरकारी योजना के सेती पूरा निःशुल्क हे। अब मोर लईका ह एकदम स्वस्थ हे। ओ ह समस्त चिरायु टीम हार्दिक धन्यवाद ज्ञापित करिन हे।
बताए लईक बात हे के राष्ट्रीय बाल स्वास्थ्य कार्यक्रम चिरायु अंतर्गत जिला म स्वास्थ्य विभाग के टीम इस्कूल अउ आंगनबाड़ी केंद्र मन म जाके लईका मन के स्वास्थ्य परीक्षण करे जाथे अउ सरकारी योजना के मदद ले बीमार लईका मन के इलाज के व्यवस्था करे जाथे।