नान नान लईका मन ल खेल गतिविधि म जोड़ के करे जाथ हे बौद्धिक विकास
बिसेस पिछडे़ जनजाति पहाड़ी कोरवा लईका मन ल हफ्ता म दू दिन अण्डा वितरण
वजन सत्यापन करके गंभीर कुपोषित लईका मन ल एनआरसी केन्द्र भेजे जाथ हे
महिला बाल विकास विभाग के आंगनबाड़ी कार्यकर्ता मन ह गृह भेंट करके पालक मन ल जागरूक करत हे अउ आंगनबाड़ी केन्द्र म गरम भोजन संग नान नान लईका मन के बौद्धिक विकास ब खेल गतिविधि तको करात हे। संग म विशेष पिछडे़ जनजाति पहाड़ी कोरवा लईका मन ल हफ्ता म दी दिन अण्डा दिए जाथ हे।
स्वास्थ्य विभाग के चिरायु टीम कती ले आंगनबाड़ी केन्द्र म जा के लइका मन के स्वास्थ्य परीक्षण करे जाथे अउ गंभीर लईका मन ब स्वास्थ्य सुविधा प्राथमिकता ले उपलब्ध कराए जाथ हे।
इ कड़ी म नागरपखना के आंगनबाड़ी कार्यकर्ता मन ह लइका मन ल विभिन्न गतिविधि म जोड़त हे अउ लईका मन ह उत्साह ले गतिविधि म जूड़ के पढ़ई घलो करत हे । कुनकुरी विकासखण्ड के गिनाबहार म घलो लईका मन के वजन सत्यापन करे जाथ हे अउबगंभीर कुपोषित लईका मन ल एनआरसी केन्द्र भेजे जाथ हे । तपकरा के आंगनबाड़ी केन्द्र माझापारा म घलो लईका मन ह खेल विधि ले पढ़ई करत हे। गंभीर रूप ले कुपोषित लईका मन ल दूध, अण्डा अउ केला घलो दिए जाथ हे। जशपुर विकासखण्ड के लोदाम म चिरायु टीम कती ले लईका मन के स्वास्थ्य परीक्षण करे गय हे अउ विभिन्न बिमारि ले प्रभावित लईका मन ल चिन्हांकन करे गय हे। बगीचा विकासखण्ड के भीतघरा आंगनबाड़ी केन्द्र म लईका मन ल गरम भोजन के संग अण्डा घलो दिए जाथ हे।
