कोरिया, जिला के बैकुंठपुर विकासखण्ड के अंतर्गत ग्राम पतरापाली के रहवइया नित्या राजवाड़े (उमर 4 साल 7 महीना), जन्म ले ही हृदय रोग ले पीड़ित रिहिस। नित्या के नाव आंगनबाड़ी केंद्र पतरापानी-1 म दर्ज हे।
जन्म ले ही नित्या ल कमजोरी, जल्दी थक जाना, सांस लेय म तकलीफ अउ बार-बार सरदी-खांसी के समस्या रहय। चिरायु टीम डहार ले करे गय स्वास्थ्य जांच के दौरान डॉक्टर ह देख के ओला जिला अस्पताल बैकुण्ठपुर रेफर करिस। जिला अस्पताल म लइका मन के डॉक्टर ह जांच करिस त पता चलिस के ओला जन्मजात हृदय रोग हे, जेकर बाद ओला बड़का अस्पताल एम.एम.आई. नारायणा हॉस्पिटल, रायपुर बर रेफर करे गीस।
चिरायु योजना के तहत नित्या ल नारायणा हॉस्पिटल, रायपुर म भर्ती कराय गीस। जरूरी जांच के बाद ओकर सफल ऑपरेशन करे गीस। इलाज के बाद नित्या ल अस्पताल ले छुट्टी दे गीस। चिरायु योजना के तहत नित्या के पूरा इलाज एकदम निःशुल्क करे गीस।
अभी नित्या राजवाड़े पूरा चंगा हो गए हे। नित्या के दाई-ददा भारी खुस हें अउ उमन चिरायु टीम सहित स्वास्थ्य विभाग के आभार मानत कहिन के ए योजना ह उंकर बेटी ल नवा जीवन देहे हे।
चिरायु योजना ले नित्या राजवाड़े ल मिलिस नवा जीवन
