चिरायु योजना ह संवारिस कुमकुम के जीवन

रायपुर, रायपुर जिला के आरंग विकासखण्ड के ग्राम धनसुली निवासी श्री लालचंद जोशी अऊ श्रीमती सोनिया जोशी के घर दूसर संतान के रूप म जन्मे कुमकुम जोशी के तालु म छेद ह माता-पिता ल दुःखी कर दे रहिस। घर के आर्थिक स्थिति कमजोर होए के सेती कुमकुम के इलाज नइ हो पात रहिस। कुमकुम जब 7 महिना के रहिस तो ओखर माता पिता ओला पहली पईत मुख्यमंत्री बाल संदर्भ शिविर पचेड़ा लाये रहिन। शिविर म जब ओखर वजन करिन त वो मात्र 3.280 किग्रा के
रहिस। बच्ची बहुत कमजोर अऊ कुपोषित रहिस। जन्म ले बच्ची के तालु म छेद होए के सेती बच्ची ल मां के दूध नइ मिल पाइस जेखर से ओला जरूरी पोषक तत्व के कमी हमेशा बने रहिस। ओखर स्थिति ल ध्यान म रखत ओला तुरंते जिला अस्पताल के पोषण पुनर्वास केन्द्र म आंगनबाड़ी कार्यकर्ता मन कोति ले भर्ती कराये गीस।

जिला अस्पताल एनआरसी म आए के बाद बच्ची के स्वास्थ्य म तेजी ले सुधार होइस अऊ समय-समय म आयोजित बाल संदर्भ शिविर म बच्ची के स्वास्थ्य परीक्षण उपरांत आवश्यकतानुरूप मुफ्त दवाईयां देहे गीस। जेखर से बच्ची के वजन घलोक तेजी ले बाढि़स अऊ करीबन 8 किलोग्राम तक वजन हो गीस। बच्ची गंभीर कुपोषित ले सामान्य पोषण स्तर म आ गे रहिस। बच्ची के तालु के आपरेशन करना घलोक एक चुनौती रहिस। आपरेशन बर बच्ची के वजन कम से कम 10 किग्रा
होना जरूरी रहिस। वजन के ए कमी ल पूरा करे बर बच्ची ल पूरक पोषाहार नियमित रूप ले दे जाय लगिस जेखर से बच्ची के वजन आपरेशन करे लायक हो गीस। चिरायु टीम के संग मिलके रायपुरा के ओम हास्पीटल म बच्ची कुमकुम के आपरेशन के बाद 4 जून 2019 ल पूर्ण रूप ले स्वस्थ्य होके अपन घर पहुंच गीस।

ये समाचार हिन्‍दी म ये कड़ी ले