- निवेशक मन ल पइसा लहुटवाए के प्रक्रिया जल्दी करे जाही चालू
- मुख्यमंत्री श्री भूपेश बघेल के निर्देश म डीजीपी ह पुलिस अधीक्षक मन ल चिटफण्ड कंपनी
- संचालक मन उपर सख्त कार्यवाही के दीन निर्देश
- जिला मन म 38 प्रकरण मन म ले 113 एजेंट मन के नाम करे गीस अलग
रायपुर, मुख्यमंत्री श्री भूपेश बघेल के निर्देश म डीजीपी श्री डी. एम. अवस्थी ह आज वीडियो कॉफ्रेंसिंग म जम्मो पुलिस अधीक्षक मन ल चिटफण्ड कंपनी मन के संचालक मन के विरूद्ध सख्त कार्यवाही करे के निर्देश देहे हें। वीडियो कॉफ्रेंसिंग म जानकारी दिए गीस के राजनांदगांव म चिटफण्ड कंपनी के संचालक प्रेम देवांगन के संपत्ति कुर्क करके 7 करोड़ 61 लाख ले जादा के राशि शासन के खाता म जमा कर दिए गए हे। ओ राशि निवेशक मन ल जल्दीच लहुटाए के प्रक्रिया शुरू करे जात हे। अइसनहे बिलासपुर जिला म चिटफण्ड कंपनी के संचालक कमलेश सिंह के संपत्ति कुर्क करके 2 लाख 80 हजार के राशि निवेशक ल प्रदान करे गए हे। श्री अवस्थी ह निर्देश दीन कि चिटफण्ड कंपनी मन के एजेंट मन उपर चलत प्रकरण मन ल न्यायालय के माध्यम ले लउहे वापस लेहे, संगेच कंपनी मन के संचालक मन के संपत्ति कुर्क करके निवेशक मन ल जल्दी राशि लहुटाए के प्रक्रिया शुरू करे जाए।
वीडियो कॉन्फ्रेंसिंग म पुलिस महानिदेशक श्री डी.एम. अवस्थी ह चिटफण्ड कंपनी मन के एजेंट मन के विरूद्ध न्यायालय अउ पुलिस के समक्ष विवेचनाधीन प्रकरण मन के समीक्षा करिन। राज्य के सबो जिला मन म कुल 38 प्रकरण मन म 113 एजेंट मन के नाम अलग करे के कार्यवाही करे गए हे। जेमा न्यायालय म विचाराधीन 33 प्रकरण मन ले 102 एजेंट अऊ पुलिस के समक्ष विवेचनाधीन 5 प्रकरण मन ले 11 एजेंट मन के नाम अलग करे के कार्यवाही करे गए हे। न्यायालय म विचाराधीन प्रकरण मन म रायपुर जिला म 16 प्रकरण मन ले 42 एजेंट, धमतरी जिला म 4 प्रकरण मन ले 7 एजेंट, महासमुन्द जिला म 3 प्रकरण मन ले 12 एजेंट, दुर्ग जिला म 11 एजेंट, बालोद जिला म 1 प्रकरण ले 2 एजेंट, बिलासपुर जिला म 2 प्रकरण ले 6 एजेंट, मुंगेली जिला ले 1 एजेंट, जांजगीर जिला म 8 एजेंट अऊ कोरबा जिला म 2 प्रकरण मन ले 6 एजेंट के नाम अलग करे गए हे। पुलिस के समक्ष विवेचनाधीन प्रकरण मन म ले महासमुन्द जिला म 3 प्रकरण मन म 9 एजेंट, बिलासपुर जिला म 2 प्रकरण मन ले 2 एजेंट मन के नाम अलग करे गए हे।
