मुख्यमंत्री 23 नवम्बर के राजनांदगांव जिला के चिटफण्ड कंपनी मन के निवेशक मन ल 2 करोड़ 36 लाख रूपिया वापस करहीं

रायपुर, मुख्यमंत्री श्री भूपेश बघेल 23 नवम्बर के अपन निवास कार्यालय म वीडियो कॉन्फ्रेंसिंग के संग आयोजित कार्यक्रम म बिहनिया राजनांदगांव जिला के चिटफंड कंपनी मन के निवेशक मन ल 2 करोड़ 36 लाख राशि वापस करहीं। ये राशि चिटफंड कंपनी मन के कुर्क करे गए संपत्ति के नीलामी ले मिले हे।
जानबा हे कि राजनांदगांव के कलेक्टर श्री तारन प्रकाश सिन्हा के मार्गदर्शन म चिटफंड कंपनी मन के संपत्ति कुर्क करे के कार्रवाई तेज कर देहे गए हे। पटवारी मन के माध्यम ले चिटफंड कंपनी मन के संपत्ति के पता लगाए बर व्यापक अभियान चलाए जात हे। चिटफण्ड कंपनी मन के निवेशक मन ले मिले आवेदन के आधार म 300 कंपनी मन के विवरण तियार करे गए हे, जेन ल जांच बर पुलिस विभाग अउ संबंधित अनुविभागीय अधिकारी (राजस्व) कार्यालय ल भेजे गए हे। जेखर अंतर्गत डोंगरगढ़ तहसील के ग्राम घोटिया म चिटफण्ड कंपनी शुभ सांई देवकान इंडिया लिमिटेड के कुल 9.72 एकड़ जमीन ल कुर्की करे अंतःकालीन आदेश पारित करके विशेष न्यायालय (जिला अउ सत्र न्यायाधीश) ल आखरी आदेश बर प्रस्तुत करे गए हे। चिटफंड कंपनी मन के संपत्ति कुर्क करके नीलामी ले 2 करोड़ 36 लाख रूपिया मिले हे, एला निवेशक मन ल वापस करे जाही।