मुख्यमंत्री श्री भूपेश बघेल ह लहुटाईस चिटफंड के पीड़ित निवेशक मन के राशि

पीड़ित निवेशक मन ल राशि लहुटाए वाला देश के पहिली राज्य हे छत्तीसगढ़ः मुख्यमंत्री
आज 35 हजार 378 पीड़ित निवेशक मन ल वापिस करे गईस 4 करोड़ 13 लाख 88 हजार 996 रूपिया के राशि
अभी तक 81 हजार 204 पीड़ित निवेशक मन ल लहुटाए गए हे  37 करोड़ 92 लाख 99 हजार 656 रूपिया के राशि
रायपुर, 02 अगस्त 2023

मुख्यमंत्री श्री भूपेश बघेल अपन वादा के अनुसार चिटफंड के पीड़ित निवेशक मन ल उकर पईसा वापिस करत हे। मुख्यमंत्री ह आज राजधानी स्थित अपन निवास कार्यालय ले राज्य के 7 जिला के 35 हजार 378 पीड़ित निवेशक मन ल 4 करोड़ 13 लाख 88 हजार 996 रूपिया के राशि लहुटाईस हे। मुख्यमंत्री श्री बघेल के निर्देश म अभी तक राज्य के 81 हजार 204 पीड़ित निवेशक मन ल 37 करोड़ 92 लाख 99 हजार 656 रूपिया के राशि वापिस कर दिए गए हे, 208 चिटफंड कंपनी के खिलाफ 462 प्रकरण दर्ज करे गए हे अउ एकर से संबंधित 700 ले जादा डायरेक्टर/ पदाधिकारी मन के गिरफ्तारी घलो हो गए हे। ।

मुख्यमंत्री ह आज रायपुर, बिलासपुर, राजनांदगांव, धमतरी, मनेंद्रगढ़ , कोरिया अउ मोहला-मानपुर-अंबागढ़ चौकी जिला के 35,378 निवेशक मन के चिटफंड कम्पनी के  हड़पे गए राशि ल लहुटाईस हे।
हितग्राही मन ल आनलाइन संबोधित करत मुख्यमंत्री श्री बघेल ह कहिस कि छत्तीसगढ़ देश के पहिली राज्य हे जिहां चिटफंड कंपनी म कार्रवाई करके पीड़ित निवेशक मन के पईसा ल वापिस करे गईस हे। मुख्यमंत्री ह कहिस कि हमर कती ले करे गये कार्रवाई ल देखत हुए अब दूसर राज्य ह घलो हमन से ये पूछत हे कि ये कईसे संभव हो पाइस हे। मुख्यमंत्री ह कहिस कि ये सब्बो कुछ ह राज्य के जनता के विश्वास के सेती ही संभव हो सकिस हे।