जगदलपुर, 12 फरवरी 2021। राज्यपाल सुश्री अनुसुईया उइके ह अपन तीन दिन के बस्तर दउरा के दूसर दिन चित्रकोट पहुंचीन अऊ भारत के नियाग्रा के तौर म प्रसिद्ध चित्रकोट जलप्रपात के सौन्दर्य ल निहारिन। बस्तर के दूसर अऊ चित्रकोट के पहिली प्रवास के समय स्थानीय लोक नर्तक मन ह गौर नृत्य, गेड़ी नृत्य आदि के संग उत्साहपूर्वक उकर स्वागत करिन। राज्यपाल सुश्री उइके ह बस्तर ल चित्रकोट जलप्रपात के रुप म प्राप्त ये प्राकृतिक धरोहर के संगेच इहां लोकनृत्य मन के माध्यम ले अपन संस्कृति ल सहजे के काम करत लोक नर्तक मन के उदीम ल जमके सहराइन। ऊंखर संग ये बेरा म राष्ट्रीय अनुसूचित जनजाति आयोग के पहिली अध्यक्ष श्री नंदकुमार घलोक उपस्थित रहिन।
राज्यपाल सुश्री उइके ह देखिन चित्रकोट जलप्रपात के सुन्दरता
