बलौदाबाजार, 29 अक्टूबर 2020। पलारी थाना अँतर्गत ग्राम ओड़ान म चौगड्डा के पास स्थित विनोद किराना दुकान ले चोर मन ह शटर काट के अऊ ताला तोड़ के दुकान म रखे फ्रीजर, तेल ले भरे टीन, चाऊर के बोरी अऊ नगदी समेत किराना सामग्री चोरा के लेगे जेखर किमत लाखो के बताए जावत हे।
चोरी के घटना मंगलवार अऊ बुधवार रात के हे अनुमान हे की चोर चारपहिया वाहन ले आये रिहिस अऊ आसानी ले शटर काट के किराना दुकान ले लाखो के सामान पार करके भाग गे, किराना दुकान के संचालक ह चोरी के रिपोर्ट पलारी थाना म दर्ज कराए हे। पुलिस द्वारा मउका म पहुँच के चोरी करे गे किराना दुकान के मुआयना करके विवेचना म ले हे।