चुन्नी गोस्वामी पेशावर क्रिकेटर भी रहिन्. गोस्वामी ह बंगाल बर फर्स्ट क्लास क्रिकेट खेलिस. ऊंखर निधन म बीसीसीआई ह श्रद्धांजलि दे हे.बड़े मुश्किल समय म खेल से जुड़े फैंस बर खेल के मैदान ले बुरा खबर सामने आय हे. भारत के महान फुटबॉलर चुन्नी गोस्वामी के 82 साल के उमर म निधन हो गे हे. चुन्नई गोस्वामी के निधन दिल के दौरा पड़े ले हो होगीस. मिले जानकारी के मुताबिक चुन्नी गोस्वामी ह कोलकाता के एक हॉस्पिटल में आखिरी सांस लीन.
चुन्नी गोस्वामी के आखिरी वखत ऊंखर परिवार साथ म रहिंन. चुन्नी गोस्वामी के घरवाली अउ बेटा सुदिप्तो आखिर वखत तक हॉस्पिटल म मौजूद रहिंन. बता देंन कि चुन्नी गोस्वामी गोस्वामी 1962 एशियाई खेल म स्वर्ण पदक जीतइया टीम के कप्तान रहिंन. चुन्नी गोस्वामी ल क्रिकेट म घलो महारत हासिल रहिस अउ जेखर सेती बंगाल बर फर्स्ट क्लास क्रिकेट भी खेले रहिंन.
चुन्नी के परिवार ह ऊंखर निधन के बाद कहिन्, ”ओमनला दिल के दौरा पडिस अउ अस्पताल म करीब पांच बजे निधन हो गिस.” परिवार केमन जानकारी दीन कि महान खिलाड़ी मधुमेह, प्रोस्ट्रेट अउ नर्व सिस्टम से संबंधित बीमारि ले जूझत रहिन।
गोस्वामी ह भारत बर बतौर फुटबालर 1956 से 1964 तक 50 मैच खेलीन. ऊहीं क्रिकेटर के तौर म ओमन 1962 अउ 1973 के बीच 46 प्रथम श्रेणी मैच म बंगाल के प्रतिनिधित्व करिन.
मुंगेली लु गुरतुर गोठ बर दिलीप बसंत