रायपुर, 31 अक्टूबर 2020। बालोद म दिल दहला देने वाला मामला आगु आए हे। आरक्षक ह एक डेढ़ साल के लइका ल 50 बार सिगरेट ले दागे हे। मासूम ले बेरहमी दिखाने वाला आरक्षक ल पुलिस ह गिरफ्तार कर ले हे। बालोद म पदस्थ आरोपी पुलिसकर्मी अविनाश राय ल भिलाई पावर हाउस म एक होटल ले गिरफ्तार करे हे।
बतादन कि बालोद म पदस्थ आरक्षक अविनाश राय ह डेढ़ साल के मासूम लइका ल 50 बार सिगरेट ले दागे रिहिस। जानकारी के अनुसार पुलिसकर्मी उधारी के पइसा ल वसूले बर गे रिहिस। आरक्षक अविनाश राय नशा म धुत रिहिस, ए दौरान वो डेढ़ साल के मासूम लइका ल कई बार सिगरेट ले दागिस। लइका के मां ह पुलिस थाना बालोद म आरोपी के खिलाफ शिकायत दर्ज कराए हे। आरक्षक अविनाश राय के हाल ही म बालोद ले दुर्ग रक्षित केंद्र ट्रांसफर होए रिहिस। आरक्षक ग्राम सिवनी म किराए के मकान म रहत रिहिस।
