आसना महिला समूह के जागिस आस: वन विभाग के चक्रीय निधि ले देहे राशि के उपयोग करके आगू बढ़त हें महिला समूह

जगदलपुर, वन अऊ जलवायु बदलाव विभाग के वृत्त स्तरीय चक्रीय निधि ले मिले राशि स्व-सहायता समूह मन ल आगू बढ़े बर बने सहायक होवत हे। एखर तहत मिले राशि के लाभ उठात बस्तर वन मंडल के अंतर्गत स्व-सहायता समूह आसना, सिद्धी स्व-सहायता समूह अऊ जय भवानी आदि स्व-सहायता समूह मन के महिला मन म नवा आसा अऊ विश्वास के संचार होवत हे।
साल 2021-22 म वृत्त स्तरीय प्रदाय चक्रीय ऋण ले चित्रकोट परिक्षेत्र के सिद्धी स्व-सहायता समूह ह अब तक कुल 30 हजार नग सीमेंट ईंट बनाए हे, जेमां ले 20 हजार सीमेंट ईंट के बिक्री हो गए हे। ये मा होवत आमदनी के फलस्वरूप समूह ह चक्रीय निधि ले मिले 10 लाख रूपिया के राशि म ले 20 हजार रूपिया के अदायगी घलोक कर डरे हे। अइसनहे साल 2021-22 म ही चक्रीय ऋण ले मिले राशि के उपयोग करत बकावण्ड परिक्षेत्र के स्व-सहायता समूह आसना ह अब तक 800 नग सीमेंट फेंसिंग पोल्स बनवाए हे। ये समूह ह चक्रीय निधि ले मिले राशि 5 लाख रूपिया म ले 24 हजार रूपिया के अदायगी कर डरे हे।
वन मंडलाधिकारी बस्तर सुश्री स्टायलो मंडावी ह बताइस के एखर अलावा साल 2020 ले बस्तर वन मंडल अंतर्गत जय भवानी स्व-सहायता समूह ह चक्रीय निधि के राशि के उपयोग करके सीमेंट फेंसिंग पोल के बनावत हे। समूह ह अब तक 01 हजार पोल के बना डरे हे। जेमां ले 600 पोल के बिक्री 170 रूपिया प्रति पोल के मान ले एक लाख 2 हजार रूपिया म करे हें। ए समूह मन ल चक्रीय निधि के तहत उपलब्‍ध राशि ले अपन-अपन गतिविधि मन के संचालन म बने सुविधा होए हे।