ड्यूटी करके लहुटत नगर सैनिक के धारदार हथियार ले हत्या, जांच म जुटिस पुलिस

जांजगीर-चांपा, 25 सितंबर 2020। नगर सैनिक के धारदार हथियार ले हत्या के मामला आगु आये हे। बतादन कि नगर सैनिक ड्यूटी करके घर लहुटत रिहिस। तब हत्यारा मन ह बड़ा बेदर्दी ले ओखर हत्या कर दीन। फिलहाल सूचना म पुलिस पहुंच के घटना स्थल के मुआयना करत हे। पुलिस के अनुसार नवागढ़ थाना म पदस्थ नगर सैनिक रज्जू प्रसाद तिवारी गुरुवार के रात रोज के तरह ड्यूटी करके वापस लहुटत रिहिस। उहीं समय अमोरा इलाका के बीच ओखर धारदार हथियार ले हत्या कर देहे गिस। पूरा मामला नवागढ़ थाना क्षेत्र के हे। फिलहाल अभी तक वारदात ल अंजाम देवइया अपराधी मन के गिरफ्तारी नइ होय हे। पुलिस मामला के जांच करत हे।