रायपुर, न्यायाधिपति श्री पी. आर. रामचंद्र मेनन ह आज इहां राजभवन के दरबार हॉल म छत्तीसगढ़ उच्च न्यायालय, बिलासपुर के मुख्य न्यायाधीश पद के शपथ लीन। राज्यपाल श्रीमती आनंदीबेन पटेल ह ओ मन ल पद अऊ गोपनीयता के शपथ देवाइन।
ए अवसर म मुख्यमंत्री श्री भूपेश बघेल, गृह मंत्री श्री ताम्रध्वज साहू, खाद्य अउ नागरिक आपूर्ति मंत्री श्री मोहम्मद अकबर, महिला अउ बाल विकास मंत्री श्रीमती अनिला भेंड़िया, स्कूल शिक्षा मंत्री डॉ. प्रेमसाय सिंह, नगरीय प्रशासन मंत्री डॉ. शिव कुमार डहरिया, पूर्व मुख्यमंत्री डॉ. रमन सिंह, राज्यसभा सांसद श्री रामविचार नेताम, विधायक सर्वश्री बृजमोहन अग्रवाल, श्री अमितेश शुक्ल, श्री कुलदीप जुनेजा, महापौर श्री प्रमोद दुबे घलोक उपस्थित रहिन।
समारोह म मुख्य न्यायाधीश श्री पी. आर. रामचंद्र मेनन के धर्मपत्नी श्रीमती प्रीता मेनन संग ऊंखर परिवार के मनखे अउ छत्तीसगढ़ अउ केरल उच्च न्यायालय के न्यायाधीशगण घलोक उपस्थित रहिन। शपथ ग्रहण समारोह म प्रदेश के मुख्य सचिव श्री सुनील कुजूर ह कार्यक्रम के संचालन करिस अउ राष्ट्रपति के वारंट के वाचन करे गीस। ए अवसर म न्यायाधीशगण, राज्य शासन के वरिष्ठ अधिकारीगण, अधिवक्तागण अउ गणमान्य नागरिक उपस्थित रहिन।
