रइपुर, 7 मई 2021 शुकवार। मुख्यमंत्री श्री भूपेश बघेल आज अपन घरू कार्यालय म आयोजित रइपुर अउ दुरूग संभाग के समीक्षा बइठका के पहिली जिला मुख्यालय बलौदाबाजार म कृषि उपज मंडी के गोदाम ल बदलके बनाए 500 बिस्तर के कोविड केयर अस्पताल के वीडियो कॉन्फ्रेंसिंग ले शुभारंभ करीन। यह अस्पताल 120 ऑक्सीजन बेड ले सुसज्जित हे।
मुख्यमंत्री ह ये अस्पताल के बनर्ई रिकार्ड 20 दिनेे म करे म जिला के रहवइया मन ल बधई देेवत कहीन कि एकर ले कोरोना संक्रमित मरीज मन ल बड़का राहत मिलही।
कलेक्टर सुनील कुमार जैन ह बताइन कि येह राज्य के अव्वल अस्पताल हरे जेमा धान मंडी ल अस्पताल बनाए गे हे अउ मात्र 20 दिन म पूरा करे गे हे, 500 बिस्तर अस्पताल म 120 ऑक्सीजन बिस्तर ह 33 बिस्तर एचडीयू के, 36 आईसीयू, 51 ऑक्सीजन बिस्तर युक्त हवय । जउन पूरी तरह वातानुकूलित हे। संग म 380 बिस्तर सधारन हावय । आवश्यकता परे म एमा अउ विस्तार करे जा सकत हे। अस्पतााल म जम्मो सुविधा मन के विशेष खियाल राखे गे हे।
स्वास्थ्य मंत्री श्री टी.एस. सिंहदेव, सांसद श्री सुनील सोनी, राज्यसभा सांसद श्रीमती छाया वर्मा, विधायक श्री शिवरतन शर्मा, अबड झिन जनप्रतिनिधि, मुख्य सचिव श्री अमिताभ जैन, अपर मुख्य सचिव श्री सुब्रत साहू , सचिव श्री सिद्धार्थ कोमल परदेशी तको संघरीन।