कैंप म जवान मन के बीच झड़प, फायरिंग म 2 के मउत 1 गंभीर रूप ले घायल

नारायणपुर, 30 मई 2020। अमदई घाटी कैंप म जवान मन के बीच झड़प होगे हे, एक जवान ह साथी जवान मन उपर ताबड़तोड़ गोली चलाये हे, ये फायरिंग म 2 जवान के मउत होगे हे, वहीं एक जवान घायल घलो होय हे. CF- 9 वीं बटालियन डी कंपनी के जवान मन के बीच आपसी झड़प होगे, ये झड़प म एक जवान ह अपन रायफल ले अंधाधुंध गोली चलाइस जेखर ले 2 जवान मन के मउत होगे हे. वहीं एक जवान घायल होय हे. घायल जवान ल रायपुर रेफर करे गये हे. ये घटना के पुष्टि बस्तर आईजी सुंदरराज पी ह करिस हे. आरोपी जवान ल पुलिस ह गिरफ्तार कर लिये हे. फिलहाल मामला के जांच जारी हे.