स्वच्छ पेयजल के समस्या होइस दूर, घरो-घर पहुंचत हे पानी

रायगढ़, जेन गांव मन म कल तक पीए बर पानी नदी, नाला अऊ दूर जाके हैण्डपंप ले लाना परत रहिस, आज वो जल के अमृत बुंद जल जीवन मिशन ले मनखे मन के घर तक पहुंचत हे। अब पानी बर दूर तक जाना नइ परय, साल के सबो मौसम मन म नल कनेक्शन ले घर तक पानी पहुंचत हे। घरेलू कामकाज के संग दुसर जरूरत बर घरे म ही पानी मिले ले गांव वाले मन ल अऊ महिला मन ल बड़ राहत मिले हे।
विकासखण्ड पुसौर अंतर्गत ग्राम पंचायत लिंजीर जिला मुख्यालय ले 12 किलो मीटर दूर म स्थित हे। ये ग्राम पंचायत के आबादी 1244 हे। ग्राम म 365 परिवार निवासरत हे। गांव म दू प्राइमरी अऊ एक मिडिल स्कूल हे अऊ चार आंगनबाड़ी केन्द्र संचालित हे। ग्राम लिंजीर म मुख्य बस्ती डीपापारा अऊ नवाडीह सामिल हे। शासन कोति ले इहां 3 हैण्डपंप स्थापित हे जेन गरमी म जल स्तर नीचे जाय के सेती बंद हो जाथे।