सक्ती : स्वच्छता ही सेवा अभियान के होइस आयोजन

सक्ती, कलेक्टर श्री अमृत विकास तोपनो के हुकुम म जिला म स्वच्छता ही सेवा अभियान के आयोजन करे जात हे। जेखर तहत जनपद पंचायत डभरा अंतर्गत ग्राम पंचायत सपोस म राष्ट्रव्यापी “स्वच्छता ही सेवा अभियान”  स्वभाव स्वच्छता-संस्कार स्वच्छता के थीम उपर मनाए गीस। स्वच्छता ही सेवा अभियान के उद्देश्य स्वच्छता अऊ पर्यावरण संरक्षण के महत्व के बारे म आमजनता म जादा ले जादा जागरूकता पैदा करना हे, जेमां पौधरोपण एक प्रमुख गतिविधि हे। स्वच्छता ही सेवा अभियान 15 सितंबर 2018 ले शुरू करे गए हे। जेखर उद्देश्य ग्रामीण भारत म पूर्ण स्वच्छता के दिशा म प्रयास मन म तेजी लाना हे। ये गांव के स्तर म ठोस अपशिष्ट प्रबंधन बर कचरा के सफाई अऊ कई ठन गतिविधि मन के आयोजन करे बर एक बड़का पैमाना म सामुदायिक एकजुटता अभियान हे जेखर तहत ग्राम सपोस के हाट बाजार स्थल म साफ-सफाई करे गीस अउ उहां उपस्थित मनखे मन ल स्वच्छता के प्रति जागरूक करके, अपन घर, गली मन अउ अपन आस-पास ल हमेशा स्वच्छ रखे के गिलौली करे गीस। उहें “एक पेड़ मां के नाम अभियान” के तहत् ग्राम सपोस के प्राथमिक शाला अउ शास पूर्व माध्यमिक शाला प्रांगण म पौधरोपण करे गीस।
ए बेरा म मुख्य कार्यपालन अधिकारी जिला पंचायत सक्ती श्री वासु जैन, उपाध्यक्ष जिला पंचायत सक्ती श्री कमल किशोर पटेल, अध्यक्ष जनपद पंचायत डभरा श्रीमती अरूणा सिदार, उपाध्यक्ष जनपद पंचायत डभरा श्री अंजू संजू पटेल, सरपंच श्री महंगूराम, मुख्य कार्यपालन अधिकारी जनपद पंचायत डभरा श्री से. के. आदिले, सचिव श्री मोतीराम पटेल, श्री कोमल पटेल, श्री भोलाराम पटेल, सहायक विकास विस्तार अधिकारी, जनपद पंचायत डभरा श्री सत्येन्द्र पटेल, कार्यक्रम अधिकारी मनरेगा, तकनीकी सहायक, जनपद पंचायत डभरा अऊ एन.आर.एल.एम. के सबो महिला स्व सहायता समूह के महिला सदस्य आदि उपस्थित रहिन।