रायपुर, 17 सितंबर 2024। छत्तीसगढ़ म ‘‘स्वच्छता ही सेवा अभियान (ग्रामीण) 2024’’ के शुभारंभ मुख्यमंत्री श्री विष्णुदेव साय ह रायपुर के इंडोर स्टेडियम म करिन। ये अभियान 17 सितंबर ले 2 अकटूबर तक ‘‘स्वभाव स्वच्छता – संस्कार स्वच्छता’’ विसय उपर केंद्रित रहिही, जेमां स्वच्छता ल समाज के हर एक मनखे के जिम्मेदारी मानत एला ऊंखर स्वभाव अऊ संस्कार के हिस्सा बनाए के प्रयास होही। शुभारंभ समारोह मे ग्रामीण क्षेत्र मन म कार्यरत स्वच्छाग्रही समूह मन ल सुरक्षा किट के वितरण करे गीस। स्वच्छता ही सेवा अभियान बर राज्य स्वच्छ भारत मिशन (ग्रामीण) कोति ले बनाए गए पोस्टर के अनावरण घलोक करे गीस। मुख्यमंत्री ह एखर दौरान स्वच्छता के शपथ देवाइन।
ए बेरा म विधानसभा अध्यक्ष डॉ. रमन सिंह, उप मुख्यमंत्री श्री विजय शर्मा, खाद्य मंत्री श्री दयालदास बघेल, वाणिज्य अउर उद्योग मंत्री श्री लखन लाल देवांगन, महिला अउर बाल विकास मंत्री श्रीमती लक्ष्मी राजवाड़े, लोकसभा सांसद श्री बृजमोहन अग्रवाल अऊ श्रीमती रूपकुमारी चौधरी, विधायक श्री पुरंदर मिश्रा, श्री मोती लाल साहू, पद्मश्री अनुज शर्मा, श्री इन्द्रकुमार साहू अऊ श्री गुरू खुशवंत साहेब उपस्थित रहिन।