स्वच्छता सर्वेक्षण म छत्तीसगढ़ ह लहराइस परचम: स्वच्छता म पाटन ईस्ट जोन म पहिली अऊ देश म दूसर स्थान म

रायपुर, स्वच्छ सर्वेक्षण म एक पईत फेर छत्तीसगढ़ ह देशभर म परचम लहराए हे। छोटे शहर मन के कैटेगरी म दुर्ग जिला के पाटन ह ईस्ट जोन म पहला अऊ देश म दूसरा स्थान पाए हे। उहें स्वच्छ शहर मन म अंबिकापुर ह अपन बादशाहत कायम रखे हे। बेस्ट परफॉर्मिंग स्टेट के श्रेणी म छत्तीसगढ़ दूसर स्थान म रहिस। दिल्ली के ताल कटोरा स्टेडियम म आयोजित स्वच्छ अमृत महोत्सव म एक पइत फेर छत्तीसगढ़ ह स्वच्छता म बाजी मारे हे। छत्तीसगढ़ के नगरीय प्रशासन अउ श्रम मंत्री श्री शिव डहरिया ह आवासन अऊ शहरी काम मंत्री श्री हरदीप पुरी के हाथ सम्मान ग्रहण करिन। कार्यक्रम म संयुक्त सचिव श्री आर एक्का, सूडा के सीईओ अउ मिशन डायरेक्टर श्री सौमिल रंजन चौबे, एडिशनल सीईओ श्री आशीष टिकरिया घलोक उपस्थित रहिन।