मुख्यमंत्री आज करही बेरोजगारी भत्ता के 31.71 करोड़ राशि अंतरण

रायपुर 30 जुलाई 2023 इतवार। मुख्यमंत्री दाऊ भूपेश बघेल 31 जुलाई के मुख्यमंत्री निवास कार्यालय म आयोजित कार्यक्रम म एक लाख 22 हजार 625 युवा मन ल बेरोजगारी भत्ते के तहत 31.71 करोड़ रूपिया के राशि अंतरण करहीं।
बेरोजगारी भत्ता योजना के तहत अब तक 80 करोड़ 72 लाख 30 हजार रुपिया के राशि ये योजना के अंतर्गत युवा मन के खाते म अंतरित करे जा चुके हावय। ये प्रकार जुलाई महीना के राशि संघारे म अब तक 112 करोड़ रुपिया की राशि युवा मन के खाता मं अंतरित हो जाही।
बेरोजगारी भत्ता के आवेदन के संगे संग युवा मन ल कौशल प्रशिक्षण बर तको चिन्हांकित करे जावत हावय। जोन युवा कौशल प्रशिक्षण चाहत हावय उन ल आनी बानी के संस्था मन म प्रशिक्षित करे जावत हावय। 4228 युवा मन के प्रशिक्षण आरंभ हो चुके हावय। 1791 युवा मन के प्रशिक्षण लउहे आरंभ हो जाही।