रइपुर, 23 अगस्त 2021 सम्मार। मुख्यमंत्री दाउ भूपेश बघेल ले आज इहां उन्कर घरू कार्यालय म मुलाकात करे बर अब्बड़ झिन मंत्री, संसदीय सचिव, निगम मण्डल के अध्यक्ष, अब्बड़ झिन जनप्रतिनिधि मन उन ल जन्म दिन के बधई अउ शुभकामना दींन। प्रदेश के आने —आने जिल मन ले आए नागरिक अउ ग्रामीण मन ह तको मुख्यमंत्री ल फूल माला पहिनाके, गुलदस्ता भेंटकरके उन मन ल जन्म दिन के बधई अउ शुभकामना दीन। कतकोन झन लोगन मन अपन संग जन्म दिन के केक लेके आइन अउ मुख्यमंत्री ले केक कटवाके उन्कर जन्मदिन मनाइन।
नक्सल प्रभावित क्षेत्र के ग्रामीण मन ह फोन म मुख्यमंत्री ल दीन बधई
बीजापुर विधायक श्री विक्रम मण्डावी अउ नक्सल प्रभावित क्षेत्र के नागरिक अउ ग्रामीण मन मुख्यमंत्री दाउ बघेल ल टेलीफोन म जन्म दिन के बधई अउ शुभकामना दीन।
मुख्यमंत्री ल बधई देहे बर आए लोगन मन मुख्यमंत्री ल खुमरी अउ फूल के हार पहिनाके उन ल जन्मदिन के बधई दी अउ एक झिन लइका ह अपन ददा संग भगवान शिव के भेष म बधई देहे बर पहुंचीन।
मुख्यमंत्री ल लाड़ू ले तउलीन
मुख्यमंत्री दाउ भूपेश बघेल के जन्म दिवस के म आज उन मन ल बूंदी के बड़े जनिक लाड़ू ले तउलीन गइन।
