कुपोषित लईका मन ल मिलिस निःशुल्क स्वास्थ्य परीक्षण, दवाई अउ बाल रोग विशेषज्ञ से परामर्श सुविधा
रायपुर, 13 सितंबर 2023
गंभीर कुपोषित लईका मन ल कुपोषण के चक्र से बाहिर लाके प्रदेश में कुपोषण के दर में कमी लाए ब मुख्यमंत्री बाल संदर्भ योजना के संचालन करे जाथ हे। एकर तहत वर्ष 22-23 में लगभग 1 लाख 46 हजार लईका मन ल लाभान्वित करे गए हे।
योजना के तहत गंभीर कुपोषित अउ संकटग्रस्त लईका मन ल चिकित्सकीय परीक्षण के सुविधा, चिकित्सक मन के लिखे गए दवाई अउ आवश्यकतानुसार बाल रोग विशेषज्ञ मन से परामर्श के सुविधा उपलब्ध कराए जाथे। ए सुविधा प्रत्येक विकासखंड में महीना में 2 दिन संदर्भ दिवस के रूप में चिन्हांकित कर प्रदान करे जाथे। चिकित्सकीय परीक्षण में लईका मन के संक्रमण के पहिचान करे जाथे। एकर अतिरिक्त योजना में निजी चिकित्सा परीक्षण संस्थान में अधिकतम 300 रूपिया तक स्वास्थ्य जांच के सुविधा दिए गए हे।
योजना के तहत ’एक हितग्राही ल बछर भर में अधिकतम 500 रूपिया तक के दवाई अउ आवश्यकता होए म चिकित्सा अधिकारी के परामर्श ले एकर से जादा राशि के दवाई घलो उपलब्ध कराए जात हे। निजी शिशु रोग विशेषज्ञ के सेवा म सम्मान स्वरूप 1000 रूपिया के मानदेय अउ 500 रुपिया तक यात्रा व्यय देहे के प्रावधान हे। एकर छोड़े कुपोषित लईका मन के परिवहन ब घलो आंगनबाड़ी कार्यकर्ता मन ल राशि उपलब्ध कराए जाथ हे।
