6 करोड़ 90 लाख के लागत ले तैयार होय हे गारमेंट फैक्ट्री
बाजार बर तैयार उत्पाद मन के पहली खेप ल हरियर झंडी दिखाके करीन रवाना
रायपुर, 18 सितंबर 2023
मुख्यमंत्री दाऊ भूपेश बघेल ह ईटपाल स्थित बीजापुर गवर्नमेंट फैक्ट्री के लोकार्पण करीन। ये बेरा म उनमन गारमेंट फैक्ट्री म चलत कपड़ा निर्माण के बूता के निरीक्षण तको करीन अउ इहां कार्यरत माइलोगन मन ले गोठियाइन। दाऊ बघेल ह फैक्ट्री ले हरियर झंडी दिखाके बाजार बर तैयार उत्पाद मन के पहली खेप ल हरियर झंडी दिखाके रवाना करीन।
बीजापुर जिला म रहइया गँवइहा मन के आजीविका के मुख्य स्त्रोत कृषि अउ वन आधारित हे। जिला म उद्योग नइ होय के सेति ग्रामीण आने राज्य मन म रोजगार खातिर पलायन ल देखत जिला प्रशासन बीजापुर द्वारा स्थिर आजीविका अउ महिला सशक्तिरण बर व्यवसायिक मॉडल के रूप म गारमेंट फेक्ट्री के स्थापना करे गईस। जोन जिला प्रशासन द्वारा कम से कम लागत म ज्यादा ले ज्यादा हितग्राही मन ल रोजगार प्रदान करे बर व्यवसायिक मॉडल के एक ठिन उदाहरण हरे। जेमें गारमेंट आधारित उद्योग ही कमती समय कमती लागत म स्थापित करके ज्यादा ले ज्यादा हितग्राही मन ल रोजगार दिये जा सकत हे।
