रइपुर, 23 अगस्त 2021 सम्मार। मुख्यमंत्री दाउ भूपेश बघेल के जनमनदिन के मउका म आज बधई देहे बर उन्कर घरू कार्यालय म मनमाड़े जनसमूह उमड़ परिन। बिहिनिया ले लोगन मन लोगन मुख्यमंत्री के घर पहुंचे लगीन। प्रदेश के सबो अंचल ले आए लोगन संग मुख्यमंत्री के जन्मदिन के बधई देहे बर निर्माणी श्रमिक मन के उत्तराधिकारी परिजन तको पहुंचे रिहिन। मुख्यमंत्री ह उन्कर संग अबड़े आत्मीयता ले मुलाकात करीन। सबो झिन मुख्यमंत्री ल जन्मदिन के बधई देवत उन्कर दीर्घायु होए के कामना करीन।
मुख्यमंत्री दाउ भूपेश बघेल ह ये बेरा म 50 झिन दिवंगत निर्माणी श्रमिक मन के उत्तराधिकारी मन ल एक-एक लाख रूपिया के सहायता राशि के चेक, शॉल अउ गिफ्ट पैक भेंट करीन। उन मन ल ये सहायता राशि मुख्यमंत्री निर्माण श्रमिक मृत्यु अउ दिव्यांग सहायता योजना के तहत देहे गईन।
जानबा होवय कि मुख्यमंत्री दाउ भूपेश बघेल के घोषणा के अनुरूप श्रम विभाग के अधीन छत्तीसगढ़ भवन अउ अन्य सन्निर्माण कर्मकार मण्डल कोति ले मुख्यमंत्री निर्माण श्रमिक मृत्यु अउ दिव्यांग सहायता योजना के तहत पंजीकृत श्रमिक के सामान्य अउ दुर्घटना मृत्यु म एक लाख रूपिया अउ स्थाई दिव्यांगता होए म 50 हजार रूपिया देहे के प्रावधान करे गे हवय। पहिली मण्डल कोति ले निर्माणी श्रमिक मन के मउत होए म विश्वकर्मा योजना के तहत मात्र 30 हजार रूपिया देहे जावत रिहिसे जेला मुख्यमंत्री दाउ भूपेश बघेल के घोषणा के पीछू एक जनवरी 2019 ले बढ़ाके एक लाख रूपिया कर देहे गे हवय। मुख्यमंत्री दाउ भूपेश बघेल ह ये योजना के तहत सहायक श्रम आयुक्त कार्यालय रइपुर म पंजीकृत 50 दिवंगत निर्माण श्रमिक मन के उत्तराधिकारी मन ल एकक लाख रूपिया के मान ले कुल 50 लाख रूपिया के सहायता राशि के चेक दीन।
मुख्यमंत्री दाउ बघेल ह 50 झिन दिवंगत निर्माणी श्रमिक मन के उत्तराधिकारी मन दीन एकक लाख रूपिया के चेक
