मुख्यमंत्री श्री भूपेश बघेल ह देखईस मानवता के मिसाल

शासकीय कारेक्रम छोड़ के ट्रेफिक में फंसे एंबुलेंस ल रास्ता देहे ब खुद मंच म से खड़े हो गईस मुख्यमंत्री
मुख्यमंत्री ह कारेक्रम रोक के पहिली एंबुलेंस ल ट्रेफिक ले निकलवाइस फेर वापस मंच म बइठिस
रायपुर, 27 सितंबर 2023
मुख्यमंत्री श्री भूपेश बघेल अक्सर अपन प्रोटोकाल ले हटके लोगन मन से मिले म रूक जाथे अउ लईका मन के प्रति उकर स्नेह ल सबे झन जानथे। इ कड़ी में मुख्यमंत्री श्री भूपेश बघेल के मानवीयता ले भरे एक अउ रूप देखे ब मिलिस। दरअसल तात्यापारा के नवीन मार्केट में लोक निर्माण विभाग के भूमिपूजन कारेक्रम में पहुंचे मुख्यमंत्री ह मंच से देखिस कि एक एंबुलेंस वाहन के जाम में फंस गए हे अउ ओला निकले ब रस्ता नई मिलत हे। जईसे ही मुख्यमंत्री के नजर एंबुलेंस म परिस ओ ह अपन प्रोटोकाल के विपरीत जा के तुरते ही कार्यक्रम ल रोके के इशारा करिस अऊ खुद ही अपन कुर्सी छोड़ के एंबुलेंस ल रस्ता देहे के अपील करे लगिस। मुख्यमंत्री के खड़े होए के बाद तुरंत ही वाहन मन ह एंबुलेंस ल रस्ता दिए एकर बाद मुख्यमंत्री वापस अपन कुर्सी म बईठिस अउ कारेक्रम सुरू होइस। मुख्यमंत्री के ए मानवीय पहल से उहां उपस्थित हर कोई ह उकर अबड़ सराहना करिस ।