पूर्व मंत्री चनेश राम राठिया के निधन म सीएम भूपेश ह जताइस शोक, कहिन की एक सच्चा जनसेवक के रूप म सदैव करे जाही याद

रायपुर,14 सितंबर 2020। धरमजयगढ़ विधायक लालजीत सिंह राठिया के पिता अउ मध्यप्रदेश व छत्तीसगढ़ शासन म मंत्री रिहिस चनेश राम राठिया के निधन म मुख्यमंत्री भूपेश बघेल ह शोक जतइस हे। ट्वीटर म लिखिन कि मध्यप्रदेश अउ छत्तीसगढ़ के पूर्व कैबिनेट मंत्री अउ कांग्रेस के प्रखर आदिवासी नेता चनेश राम राठिया के निधन के समाचार दुखद हे। धरमजयगढ़ के संग संग पूरा प्रदेश म ओमन ल एक सच्चा जनसेवक के रूप म सदैव याद करे जाही।

चनेश राम राठिया मध्य प्रदेश सरकार म पीडब्ल्यूडी मंत्री रिहिन, उहें छत्तीसगढ़ म अजीत जोगी के नेतृत्व म बनइया पहली सरकार म घलो केबिनेट मंत्री बनाय गे रिहिस। राठिया पिछु कई महिना ले बीमार रिहिन अउ उकर इलाज चलत रिहिस हे। रविवार देर रात उंखर तबीयत अचानक बिगड़े के बाद ओला अस्पताल म भर्ती करे गे रहिन, जिहां देर रात इलाज के दौरान उंखर मउत होगे.