जगदलपुर, मुख्यमंत्री श्री भूपेश बघेल के बस्तर प्रवास आज सबो बस्तर वासी मन बर यादगार रहिही। मुख्यमंत्री ह जगदलपुर म बस्तर विकास प्राधिकरण के बैठक म बस्तर के जन भावना के मुताबिक बहुत अकन घोषणा करिन, जेकर लंबा समय ले मांग करे जात रहिस। श्री बघेल ह जनप्रतिनिधि मन के मांग उपर इन्द्रावती विकास प्राधिकरण के गठन के घोषणा करिन। उमन एखरे संग बस्तर के युवा मन ल सरकारी सेवा म अवसर देहे बर बस्तर म ही कनिष्ठ कर्मचारी चयन बोर्ड के गठन के घोषणा करिन।
मुख्यमंत्री श्री बघेल ह इंद्रावती नदी ल बस्तर के जीवनदायिनी नदी बतात एखर संरक्षण अऊ संवर्धन ल बहुत महत्वपूर्ण बताइस अऊ इंद्रावती नदी विकास प्राधिकरण के गठन के घोषणा करिन। उमन कहिन के इंद्रावती नदी के संरक्षण बर हरसंभव प्रयास करे जाही। उमन प्रदेश सरकार के महात्वाकांक्षी नरवा, गरुवा, घुरवा बाड़ी योजना के तहत करे जात नाला मन के संरक्षण के सहिन इंद्रावती नदी के संरक्षण बर बड़का काम करे के जरुरत बताईन।