रायपुर, 6 सितंबर 2020। मुख्यमंत्री भूपेश बघेल के समीक्षा बैठक म आज बड़का फैसला ले गे हे। अब प्रदेश म फिर ले लॉकडाउन लागू नइ करे जाय। प्रदेशभर म मुफ्त म दवाई बाटे जाही। संक्रमित के संपर्क म अवइया लोगन मन ल ये दवाई देहे जाही।
प्रदेश के बार्डर म सुरक्षा व्यवस्था बढ़ाय जाही। बैठक म बेड के स्थिति के समीक्षा करे गे हे। अस्पताल म बेड के जानकारी ल घलो सार्वजनिक करे जाही। ताकि मरीज मन ल भटकना झन पड़े। बेड ल लेके लोगन मन ल कई प्रकार ले परेशानी के सामना करे ल पड़ीस.
कोरोना के इलाज म लगे डॉक्टर दिन म दु बार मरीज के जांच करही। जेकर ले मरीज मन के स्थिति के सही आंकलन हो पाही। उहें कोरोना ले होवत मउत, अउ अन्य बीमारी ले होवइया मउत के जानकारी अलग-अलग देहे बर फैसला होय हे.
7 सितंबर ले आंगनबाड़ी केंद्र मन ल खोले के अंतिम निर्णय जिला के कलेक्टर लेही फैसला. कलेक्टर अपन जिला के स्थिति के अनुसार फैसला ले बर स्वतंत्र हे। सबो केंद्र ल खोले जाय बर कोनो बाध्यता नइ हे. अब ले 2 के जगह म 1 मेडिकल बुलेटिन जारी करे जाही.
